Tuesday, September 10, 2013

தமிழே உதவ மாட்டாயா

நெஞ்சம் எல்லாம் நிறைந்திட்டான்
கொஞ்சம் பேச மறுக்கிறான்

தெரிந்து கொள்ள சில கேள்விகளும்
புரிந்து கொள்ளடா  என்று சில கேள்விகளும்

கடமையாய் கேட்டுவிட்டு பாவம்
மடமையாய் விழிக்கிறது உள்ளம்

பதிலை அறியவா கேட்டேன்
காதலை அறிவிக்கத்  தவிக்கிறேன்

புரிந்து தான் கொண்டானா?
புரியாதது போல நடிக்கிறானா?

அலைநுரையில் பந்தொன்று செய்து
தலையில் பட்டென்று போடவா?

மயிலிறகு கொண்டு வந்து
கன்னத்தில் இரண்டு போடவா?

சினம் எரிமலையாய்ப் பொங்கி
தேனாய் வழிகிறதே என்ன விந்தை

எண்ணம் பலவிதமாய் தோன்றி
அவனையேச் சுற்றுகிறதே சிந்தை

தமிழே உதவ மாட்டாயா
கவியாய் காதலைச் சொல்வாயா


16 comments:

  1. என்னே கேள்விகள்...! ரசித்தேன்...

    ReplyDelete
    Replies
    1. :) மிக்க நன்றி திரு.தனபாலன்!

      Delete
  2. தமிழ்தான் எத்தனை சிறப்பாய்
    உதவியிருக்கிறது
    மனம் கொள்ளைகொண்ட கவிதை
    தொடர வாழ்த்துக்கள்

    ReplyDelete
    Replies
    1. வருகைக்கும் கருத்துக்கும் மிக்க நன்றி ரமணி ஐயா!

      Delete
  3. மனம் மிகையாக வலிக்கும் போது தமிழ் தானாக முன்வந்து உதவும் .
    அதற்காகக் கவலைப் பட வேண்டும் என்றும் இல்லைக் கொஞ்சம்
    மனதை வருத்திப் பாருங்கள் (உங்கள் மனதை :) ) கவிதை நினைத்தால்
    போல் வராது உழைக்கணும் :) வாழ்த்துக்கள் சகோ .

    ReplyDelete
    Replies
    1. வருகைக்கும் கருத்துரைக்கும் நன்றி அம்பாள் அடியாள். கவலை ஒன்றும் இல்லை தோழி, தப்பாக அர்த்தம் ஆகிவிட்டது போல..தமிழை தூதனுப்புவதாக கவிதை அமைத்தேன். :)

      Delete
  4. உங்களுக்கு உதவாவிடின் அதற்குப் பெயர் தமிழல்ல தோழி!

    அழகிய கெ(கொ)ஞ்சல் கவிதை! மிகவே ரசித்தேன்...

    வாழ்த்துக்கள் தோழி!

    ReplyDelete
    Replies
    1. ஆமாம் தோழி, தமிழ் உதவாமல் இருக்குமா.. :)

      உங்கள் வாழ்த்துக்கும் கருத்துரைக்கும் நன்றி இளமதி!

      Delete
  5. தமிழ் கண்டிப்பாக உதவும், தங்கள் காதலைச் சொல்ல...

    அழகான கவிதை தோழி...

    வாழ்த்துகள்...

    ReplyDelete
    Replies
    1. நன்றி வெற்றிவேல்!

      Delete
  6. எனக்கு இப்ப ரொம்ப உதவியா இருக்கும் :-).. அழகான கவிதை

    ReplyDelete
    Replies
    1. அட அட நடத்துங்க...நன்றி ஸ்ரீனி!

      Delete
  7. //மயிலிறகு கொண்டு வந்து
    கன்னத்தில் இரண்டு போடவா?//

    அருமையான வரிகள் கிரேஸ்.. உனக்கு தமிழ் நன்றாகவே உதவியுள்ளது.

    ReplyDelete
  8. தமிழ் உதவாமலா இப்படி எழுதியிருக்கிங்க.

    ReplyDelete
    Replies
    1. :) நன்றிங்க சசிகலா!

      Delete

உங்கள் கருத்தை வரவேற்கிறேன்...

LinkWithin

Related Posts Plugin for WordPress, Blogger...