Wednesday, August 1, 2012

இன் உயிர் தமிழ் அன்றோ

வாழும் இடம் சார்ந்து அண்டையருடன் உரையாடும் மொழி  தமிழன்றி வேறாய் இருக்கலாம்
சுற்றுப்புறத்தில் செவி விழும் மொழி பற்பல வகையினதாய் இருக்கலாம்
ஆயினும் இன் உயிர் தமிழினும் இனியது உண்டோ

பணி சார்ந்து எழுதும் மொழி தமிழன்றி வேறாய் இருக்கலாம்
வாசிக்கும் ஏடும் படிக்கும் புத்தகமும் பற்பல மொழியினதாய் இருக்கலாம்
ஆயினும் இன் உயிர் தமிழினும் இனியது உண்டோ

பல மொழி கேட்டாலும் அயல் மொழி பயன்படுத்தினாலும்
தேன் உயிராய் குருதியோடு கலந்தது தமிழன்றோ
வாய் மொழி மாறினாலும் உயிர் மொழி மாறுமோ

இடையில் துவங்கி இடையில் போகும்  மொழி பல உண்டு
ஆனால் தொன்று தொட்டு முதிரா இளமையோடு
செம்மொழியாய் இனிப்பினும் இனிப்பது எம் தமிழ் அன்றோ!

13 comments:

  1. இடையில் துவங்கி இடையில் போகும் மொழி பல உண்டு
    ஆனால் தொன்று தொட்டு முதிரா இளமையோடு
    செம்மொழியாய் இனிப்பினும் இனிப்பது எம் தமிழ் அன்றோ!//

    அருமையான ஆழமான கருத்து
    மனம் கவர்ந்த பதிவு
    தொடர வாழ்த்துக்கள்

    ReplyDelete
    Replies
    1. மிகுந்த நன்றி திரு.ரமணி!

      Delete
  2. Replies
    1. நன்றி முனைவர்.திரு.குணசீலன்

      Delete
  3. அருமை கிரேஸ்..நீங்க கூறி இருப்பது முற்றிலும் உண்மை..

    //தேன் உயிராய் குருதியோடு கலந்தது தமிழன்றோ
    வாய் மொழி மாறினாலும் உயிர் மொழி மாறுமோ//- அற்புதமான வரிகள் :-)

    ReplyDelete
  4. அன்பின் கிரேஸ்

    அருமையான கவிதை - இனிப்பினும் இனிக்கும் நம் தமிழ் மொழியினைப் பற்றிய கவிதை நன்று. செம்மொழி- தமிழ் மொழியினை விடச் சிறந்த மொழி கிடையாது - நல்வாழ்த்துகள் - நட்புடன் சீனா

    ReplyDelete
    Replies
    1. உண்மைதான் அன்பின் சீனா ஐயா! கருத்துரைக்கும் வாழ்த்துக்கும் நன்றி!

      Delete
  5. அருமை.... தங்களின் தமிழ் தொண்டு மென்மேலும் செழிக்கட்டும்.......

    ReplyDelete

உங்கள் கருத்தை வரவேற்கிறேன்...

LinkWithin

Related Posts Plugin for WordPress, Blogger...