ஏழ்மையின் எதிர்பார்ப்பு

வான்மழை பொய்க்காமல்  வள்ளன்மை  காட்டுமா?
கான்செழித்து மண்ணின் கலக்கத்தை நீக்குமா?

ஏகபோக ஆசையில்லை ஏட்டையும் தேவையில்லை
தேகசுகம் வாய்த்தாலே தேசமதைக் காத்திடுவோம்
ஓங்கிநிற்கும் கட்டிடங்கள் ஒய்யெனக் கூடுதிங்கே
ஓங்கும் நகரினிலே ஒன்றிடவே ஏங்குகிறோம்
நாடாளும் மேலோரும் நன்மைதனைச் செய்வாரோ 
ஓடாய்த்தான் தேயும் ஒருசாரார் துச்சமோ
ஏழ்மையின் இந்த எதிர்பார்ப்புக்  கூடியே 
வாழ்ந்தால் பெருகும் வளம்!


22/2/2016 அன்று தினமணி கவிதைமணியில் வெளிவந்திருக்கும் இந்த என் கவிதையின் இணைப்பு இதோ!


ஏட்டை - வறுமை
ஒய்யென -  விரைவாக