Thursday, November 28, 2013

உணர்வு நாடுவது தமிழன்றோ

திகட்டும் தித்திக்கும் வகையான இனிப்புகளே
திகட்டாத்  தித்திப்பு எம்  தமிழன்றோ

திருநாள் இன்பமா தமிழ் தரும் இன்பம்
ஒருநாளும் குறையா நிலையான  இன்பமன்றோ

எத்துணைப் பாடல்கள் செவி விழுந்தாலும்
எண்ணமெல்லாம் சிலிர்ப்பது தமிழ்ப் பாடலன்றோ

எம்மொழிப் புத்தகங்கள் தேடித் படித்தாலும்
எம்மொழி தமிழ் படிக்க உள்ளம் ஏங்குமன்றோ

அன்பு நிறைந்த பிற மொழி உரையாடலினும்
என் உள்ளம் உகளுவது தமிழ்ப் பேச்சன்றோ

எங்கு  சுற்றினும் தாய் சேரும் சேய் போல்
எம்மொழி கற்றினும் உணர்வு நாடுவது தமிழன்றோ


28 comments:

  1. படிக்க படிக்க உள்ளமும் ஏங்குகிறது... வாழ்த்துக்கள்...

    ReplyDelete
    Replies
    1. வருகைக்கும் இனிய கருத்திற்கும் மிக்க நன்றி திரு.தனபாலன்!

      Delete
  2. உண்மை உண்மை... முற்றிலும் உண்மை.

    //எத்துணைப் பாடல்கள் செவி விழுந்தாலும்
    எண்ணமெல்லாம் சிலிர்ப்பது தமிழ்ப் பாடலன்றோ// - அருமையான வரிகள்

    ReplyDelete
    Replies
    1. மிக்க நன்றி ஸ்ரீனி!

      Delete
  3. யாம் அறிந்த மொழிகளிலே தமிழ் மொழி போல் இனிதான தொரு மொழி
    உண்டோ சொல் என்பது போல் தமிழைப் போற்றும் வகையில் வரைந்த கவிதை அழகு !வாழ்த்துக்கள் சகோ .

    ReplyDelete
    Replies
    1. உங்கள் வருகைக்கு மகிழ்ச்சியும், வாழ்த்தும் கருத்திற்கு நன்றியும் அம்பாளடியாள்!

      Delete
  4. தமிழைத் தவிர்த்து வேறெதில்
    இனிமை இன்பம் பெறுவது...

    மனங்கவர்ந்த வரிகள்! இனிமை!

    வாழ்த்துக்கள் தோழி!

    ReplyDelete
    Replies
    1. வேறேதும் இல்லை தோழி!
      உளமார்ந்த நன்றி!

      Delete
  5. இன்பத் தமிழ் நம் உயிருக்கு நேர் அல்லவா

    ReplyDelete
    Replies
    1. உண்மை! உங்கள் கருத்திற்கு மிக்க நன்றி ஜெயக்குமார்!

      Delete
  6. வணக்கம்
    அருமையாக எழுதியுள்ளிர்கள் வாழ்த்துக்கள்.

    கவிதைப்போட்டிக்கான சான்றிதழ் அனுப்பிவைக்கப்பட்டுள்ளது.. என்பதை அறியத் தருகிறேன்...

    -நன்றி-
    -அன்புடன்-
    -ரூபன்-

    ReplyDelete
    Replies
    1. வணக்கம் ரூபன்,
      உங்கள் கருத்திற்கும் வாழ்த்திற்கும் உளமார்ந்த நன்றி!

      சான்றிதழுக்கும் நன்றி, கிடைத்தவுடன் தெரியப்படுத்துகிறேன்!

      Delete
  7. அருமை கிரேஸ்..... பாராட்டுகள்.

    த.ம. 4

    ReplyDelete
    Replies
    1. மிக்க நன்றி வெங்கட்.

      Delete
  8. மனம் பேசும் மொழியே என்றும் மாறாத மொழி.

    ReplyDelete
    Replies
    1. வருகைக்கும் கருத்திற்கும் நன்றி கலியபெருமாள்!

      Delete
  9. தமிழ் பற்றி பேசும் கவிதைகள் தித்திப்பு ... வாழ்த்துக்கள் சகோதரி..

    ReplyDelete
  10. யாமறிந்த மொழிகளிலே தமிழ் மொழி போல் இனிதாவது எங்கும் காணோம் # பாரதி ........................அருமை ...அருமை

    ReplyDelete
    Replies
    1. உங்கள் வருகைக்கும் இனிய கருத்திற்கும் நன்றி மைதிலி!

      Delete
  11. நம்மைச் சுற்றி எத்தனை மொழிகள் இறைந்துகிடக்கின்றன. எதையும் கவனியாத மனம் ஒற்றை வார்த்தை தமிழில் கேட்டாலும் உற்சாகத்துடன் அலைபாய்ந்து உடையவரைத் தேடுகிறது. நீங்க தமிழா என்று கேட்கும்போதே கண்ணில் தெரியும் மின்னல்... சொல்ல முடியாத சுகம். கவிதை அருமை. பாராட்டுகள் கிரேஸ்.

    ReplyDelete
    Replies
    1. நீங்கள் சொல்வது உண்மைதான். கருத்திற்கும் வாழ்த்திற்கும் நன்றி தோழி!

      Delete
  12. வணக்கம் சகோதரி
    ஆம் தமிழ்த்தேன் பருக பருக திகட்டாத இன்பம் அளிப்பது. அமுதினும் மேலான தமிழின் பெருமையை அனைவரும் உணர்ந்து இதன் பெருமை சிறிதும் குறையாது அடுத்த தலைமுறைக்கு கொண்டு செல்வது நம் கையில் இப்பொழுது ஒப்படைக்கப்பட்டுள்ளது என்றே நான் கருதுகிறேன். அழகான கவிவரிகள். பகிர்வுக்கு நன்றிகள் சகோதரி

    ReplyDelete
    Replies
    1. வணக்கம் சகோ. நீங்கள் சொல்வது உண்மைதான், அதைச் சரிவர நாம் செய்ய வேண்டும். கருத்திற்கு மிக்க நன்றி!

      Delete
  13. அருமை, அருமை, மிக்க நன்றி Grace. மற்ற மொழி பேசுவோர் அனைவரும் இப்படித்தான் நினைபர்களா?

    ReplyDelete
    Replies
    1. உங்கள் வருகைக்கும் கருத்திற்கும் நன்றி!
      மற்ற மொழி பேசுவோரும் தம் தாய்மொழி பற்றி இப்படி நினைக்கலாம்..தமிழ் கற்கும் பிறமொழி பேசுவோரில் சிலரும் இப்படி உணர்கின்றனர் ..

      Delete

உங்கள் கருத்தை வரவேற்கிறேன்...

LinkWithin

Related Posts Plugin for WordPress, Blogger...