Friday, August 24, 2012

தலைவன் தலைவி பாகற்காய்

கரிய கூந்தலில் வெண் மலர் சூடி
கரங்களில் அணிந்து இருந்த தொடி
தாளம் எழுப்புமாறு தலைவி பாகற்காய்
நறுக்கிக் கொண்டு இருந்தாள் தலைவனுக்காய்

தலைவன் கசப்பான பாகற்காய் விரும்புகிறானே எப்படி 
மதி ஒத்த அவளின் மதியில் ஒரு எண்ணம் தோன்றியது
காந்தப் பண்பில் எதிர் எதிர் துருவங்கள் ஈர்க்குமே அப்படி 
கசப்பான பாகற்காய் இனிமையான தலைவனுக்குப் பிடிக்கிறது

சிரித்துக் கொண்ட அவள் மனதில் எழுந்தது ஒரு குரல்
தலைவனுக்குத் தலைவியைப்  பிடிக்குமே என்று
அவளின் மதி சொன்னது அனைத்துப் பொருட்களுக்கும் காந்தப் பண்பில்லை
அதனால் தன் இனிமையும் தலைவன் இனிமையும் சேர்ந்ததே என்று

இவ்வாறு எண்ணி உள்ளே சிரித்துக் கொண்டு
பக்குவமாய் உப்பும் காரமும் சேர்த்துக் கலந்து
பொன்னிறமாய் பொறித்து எடுத்த பாகற்காய்
இனிப்பது போலத் தோன்றுகிறதே எதற்காய்?

:-)

10 comments:

  1. wow! lovely thinking.. At the end I almost felt some sweetness! :)

    ReplyDelete
  2. அழகு....

    அன்பிருந்தால் அனைத்தும் இனிக்கும்...

    ReplyDelete
    Replies
    1. நன்றி திரு.சௌந்தர்! ஆமாம் உண்மை.

      Delete
  3. பக்குவமாய் உப்பும் காரமும் சேர்த்துக் கலந்து
    பொன்னிறமாய் பொறித்து எடுத்த பாகற்காய்
    இனிப்பது போலத் தோன்றுகிறதே எதற்காய்//

    பக்குவமாய் சமையலில் உப்பு மிள்கு சேர்ப்பதுபோல்
    அன்றாட வாழ்விலும் சேர்க்கவேண்டியதை
    பக்குவமாய்ச் சேர்த்தால் வாழ்வும் இனிக்கத்தானே செய்யும்
    மனம் தொட்ட பதிவு
    தொடர வாழ்த்துக்கள்

    ReplyDelete
    Replies
    1. சரியாகச் சொன்னீர்கள் திரு.ரமணி! மிக்க நன்றி!

      Delete
  4. அருமை கிரேஸ்..கவிதையின் முடிவு அற்புதம்!!..

    ReplyDelete
  5. நல்ல கற்பனை அழகு தமிழ்.
    வாழ்த்துக்கள்....!

    ReplyDelete

உங்கள் கருத்தை வரவேற்கிறேன்...

LinkWithin

Related Posts Plugin for WordPress, Blogger...