கசங்கினால் தானே

பயிரைக் கொடுத்துப் பழமும்
தானியம் கொடுத்துக் காய்கறியும்
பண்டமாற்றி வாழ்ந்தனர் பகிர்ந்து

பதுக்கைக் காசுகள் புழங்கிய காலத்தில்
பழமும் கிடைத்தது நமக்கு
பணமென்று தாளில் பதிந்தபின்னர் 
பழமும் எங்கே கிளியே?
நூறு ரூபாயில் இடம் நமக்கு
ஒரு தானியம் உண்டா?
கசங்காமல் கண்டது என்ன?
கசங்கினால் தானே கிளியே
எங்கோ ஒருவர் உணவும்
மற்றொருவர் உடையும்
இன்னுமொருவர் கல்வியும்
பெற்றார் என்றே மகிழலாம்


பதுக்கை - குவியல்

இக்கவிதை 'ஊற்று' வலையுலக எழுத்தாளர்கள் மன்றம் நடத்திய தீபாவளி கவிதைப் போட்டியில் ஆறுதல் பரிசு பெற்றிருக்கிறது. 'ஊற்று' மன்றத்திற்கும் நடுவர்களுக்கும் என் மனமார்ந்த நன்றிகள்! போட்டியில் வெற்றிபெற்ற அனைவருக்கும் இனிய வாழ்த்துகள்! வெற்றியாளர்களை பார்க்க இந்த இணைப்பில் சொடுக்கவும்.