பெருமைமிகு பெண்கள் - வல்லினச்சிறகுகளில் என் பகுதி

 புதுச்சேரி ஒரு துளி கவிதை நிறுவனர் திரு.அமிர்தகணேசன் அவர்கள் உலகப் பெண் கவிஞர் பேரவையை நிறுவியி ருக்கிறார். பெண் கவிஞர்களை ஊக்குவிக்கவும் ஒருங்கிணைக்கவும் அகன் ஐயாவின் முயற்சி இது. இதில் உலகெங்கிலுமிருந்து பெண்கள் இணைந்திருக்கிறார்கள்.  இந்தப் பேரவை சார்பாகப் பெண்களே நடத்தும் வகையில் ஒரு கவிதை மின்னிதழ் வல்லினச்சிறகுகள் என்ற பெயரில் கடந்த செப்டெம்பர் மாதம் தொடங்கப்பட்டது. அகன் ஐயா வழிநடத்துதலில் ஐந்து பெண்கள் ஆசிரியர்களாக இருக்கின்றார்கள். கவிதைகளுடன் நூலறிமுகம் ஒன்றும்,  நேர்காணல்கள் மூன்றும்  உலகப் பெண் கவிஞர் ஒருவரைப்பற்றிய கட்டுரையும் (அன்புச் சகோதரி வலைப்பதிவர் மு.கீதா எழுதுவது, இவர்இதழின் ஆசிரியராகவும் இருக்கிறார்) இடம்பெறும். இதில் 'பெருமைமிகு பெண்கள்' என்ற பகுதியில் சாதனைப் பெண்களை நேர்காணல் செய்து வருகிறேன்.

மாபெரும் சபைதனில் - திரு.உதயச்சந்திரன் அவர்களுடன் வீதி 81ஆவது நிகழ்வில்

 

வீதி கலை இலக்கியக் களத்தின் 'மாபெரும் சபைதனில்' நூல் அறிமுக நிகழ்வு  செம்பியன் செவிலியர் பயிற்சிக் கல்லூரியிலும்  இணைய அரங்கிலும் ஒருசேர மிகச்சிறப்பாக நடைபெற்றது. திரு.உதயச்சந்திரன் இ.ஆ.ப., இயக்குனர் தொல்லியல் துறை , அவர்களின் நூலினை, அவர் முன்னிலையில் அறிமுகம் செய்ய கிடைத்த வாய்ப்பிற்கு அகமகிழ்கிறேன். அதிலும் திரு.உதயச்சந்திரன் அவர்கள் முழுவதும் இணைந்திருந்து கேட்டு, ஏற்புரை வழங்கியது மகிழ்ச்சியைப் பன்மடங்காக்கியது.

காதலர் நாள்

சங்க இலக்கிய மாந்தர் பார்வையில், காதல்!

 

பொன்விழா கொண்டாடும் நியூயார்க் தமிழ்ச் சங்கத்தின் இலக்கியக் குழு 'வெள்ளிதோறும் இலக்கிய உலா' என்ற நிகழ்வினை சிறப்பாக நடத்தி வருகின்றனர். இந்நிகழ்ச்சியின் பிப்ரவரி மாதக் கருப்பொருள்  'இலக்கியத்தில் காதல்'. இதில் கிழக்கமெரிக்க நேரம், பிப்ரவரி 12ஆம் நாள், இரவு 9 மணிக்கு 'சங்க இலக்கிய மாந்தர் பார்வையில் காதல்' என்ற தலைப்பில் பேசியது பேருவகை எனக்கு. அதன் வலையொளி இணைப்பையும் பாடல்களையும்  இங்கே பகிர்கிறேன்.

சங்க இலக்கிய மாந்தர் பார்வையில் காதல் - நியூயார்க் தமிழ்ச் சங்கத்தில் பேசுகிறேன்

வணக்கம், அன்பு  நண்பர்களே! என்னுடைய ஒவ்வொரு வளர்ச்சியிலும் வெற்றியிலும் வலையுலக நண்பர்களாகிய உங்கள் பங்கு பெரிது. குறிப்பாக என்னுடைய சங்க இலக்கியப் பதிவுகளுக்குப் பேராதரவு தந்து ஊக்குவித்தது. உங்கள் அனைவருக்கும் முதற்கண் என்னுடைய நெஞ்சார்ந்த நன்றிகள். அந்தப் பயணத்தின் தொடர்ச்சியாக நியூயார்க் தமிழ்ச் சங்கத்தின் இலக்கிய உலா நிகழ்ச்சியில் 'சங்க இலக்கிய மாந்தர் பார்வையில் காதல்' என்ற தலைப்பில் பேசுகிறேன். 

காகிதக் கதவுகள்

 

குடியரசு நாள்

 

குடியரசு நாள்
இந்திய அரசியலமைப்பு செயலாக்கப்பட்ட நாள்
சமதர்மம் சுதந்திரம் சகோதரத்துவம்
குடியரசின் மூன்று தூண்களாம்
மூன்றும் சமமாய் வலுவாய் நிற்பதே
குடியரசின் வெற்றி
குடிமக்களின் வாழ்க்கை
உலகின் நீண்ட அரசியலமைப்பு
உருவாக்கிய அண்ணல் அம்பேத்கர்
செயல்படுத்திப் போற்றிய  தலைவர்கள்
இந்தியத் தாயின்
தவத்திருப் புதல்வர்கள்
தேசத்தின் அடிநாதமாய்
தீங்கின் எதிர்ப்பு சக்தியாய்
சீர்மிகு அரசியலமைப்பு
ஏற்ற இறக்கங்களையும்
சவால்களையும் வலுவாய்ச் சந்தித்து
பாரில் இந்தியா ஓங்கவே செய்யும்
அரச கம்பீரம் 

 வித்திட்ட இந்நாளைக் கொண்டாடுவோம்
குடியரசின் முதுகெலும்பாம் அரசியலமைப்பு
நாட்டின் முதுகெலும்பாம் உழவர்கள்
இரண்டிற்கும் நன்றி
இரண்டும் போற்றி
உழுகுடிகளுக்கும்
அவரைச் சார்ந்த மற்றனைத்துக் குடிகளுக்கும்
இனிய குடியரசு நாள் வாழ்த்துகள்