அழகு வடிவம் ஈர்த்தாலும்
அணைத்துக் கொஞ்ச இயலாது!
பஞ்சணை போல் இருந்தாலும்
படுத்து உறங்க முடியாது!
பலவிதமாய் உருமாறும் தோற்றம்
ஆனால் அனைத்தும் அழகு!
பிரமாண்டமாய் உருவம் இருந்தாலும்
ஊடுருவிச் செல்லும் மென்மை!
நிலவையும் கண்டு மயங்காமல்
அனலியையும் கண்டு தயங்காமல்
சேரும் இடம் நோக்கி
கடமையாய்ப் பயணிக்கும் பயணி!
நிலை இல்லாத நாடோடி
ஆனால் வானம் உன் வசம்!
நிலம் குளிர்விக்கும் முன்னோடி
நகர்ந்து செல்லும் மேகம்!
அனலி - சூரியன்
