அழிதுளிச் சிதறி கார் தொடங்கிற்றே
உதுக்காண் தோழி! முல்லை மலர்ந்ததே!
இவணும் வாரார்! எவணரோ என
எண்ணியே நான் வருந்தியிருக்க
என் நிலைத் தாங்காத செம்பருத்தியும்
முகம் கவிய வருந்துவதைப் பார் தோழி!
இச்செம்பருத்தி அவிழ வாராரோ விரைந்தே தோழி!
சொற்களின் பொருள்:
அழிதுளி - பெரும் மழை
கார் - மழை
உதுக்காண் - இங்கே பார்
இவணும்- இங்கும்
எவணரோ - எங்கு இருக்கிறாரோ
கவிய - கவிழ்ந்து
அவிழ - மலர
