Wednesday, September 25, 2013

அப்பாயி மாதிரியாம் நான்

இன்று
நீ கடந்து சென்ற நாள்
எல்லோரும் அழுதார்கள்
நான் விழித்தேன்
அப்பாவும் தாத்தாவும்
கட்டிக்கொண்டு அழுதார்கள்
நானும் அழுதேன்
கை பிடித்து எண்ணெய் சியக்காய்
வைத்தார்கள்
கூந்தல் நீளம் என்று
முன் உச்சியில் கொண்டை போட்டார்கள்
உனக்குப் பெட்டியில் அழுத்தும் என்றோ
மூன்றாம் நாள் பாலூற்ற
அனைவருடனும் கல்லறை வந்தேன்
எல்லோரும் செபிக்க
பேய் வருமோ என்று சுற்றும்முற்றும்
பார்த்துக் கொண்டிருந்தேன்
முதல் முறை சேலைக் கட்டியதிலிருந்து
தெரிந்தோர் சொல்கிறார்கள்
அப்பாயி மாதிரியாம் நான்
எனக்கு மகிழ்ச்சியே
ஆனால், பார்க்க நீயில்லையே!
என் திருமணம் பார்த்துச் சென்றிருக்கலாமே
என் பிள்ளைகளையும் பார்த்திருக்கலாமே
பிற பாட்டிகள் பார்க்கும் பொழுது
இப்படி தோன்றும் எனக்கு
வருடா வருடம்
உன்னை நினைத்து
அன்று செய்யாத செபத்தை
இன்று செய்கிறேன்!
உன் ஆன்மா அமைதியில் இளைப்பாறட்டும்!
--உன் அன்பு பேத்தி
கிரேஸ்

20 comments:

  1. மனதில் உள்ள வருத்தம் புரிகிறது....

    ReplyDelete
    Replies
    1. நன்றி திரு.தனபாலன்!

      Delete
  2. மனம் கனக்கும் வரிகள் தோழி!

    அந்தப் பராயத்தில் தெரியாததெல்லாம் இப்பொழுது தெரியவந்து பாடாய்ப் படுத்துகிறது. உண்மைதான்...

    தங்கள் அப்பாயியின் ஆன்ம இளைப்பாறுதலுக்காக வேண்டுகிறேன்!...

    த ம.2

    ReplyDelete
    Replies
    1. நன்றி தோழி இளமதி!

      Delete
  3. அப்பாயியும் உங்களை நினைத்துக் கொண்டிருப்பார்.
    இறைவனிடம் வேண்டுவார்.

    ReplyDelete
    Replies
    1. ஆமாம்..உங்கள் வருகைக்கும் கருத்துக்கும் நன்றி மஞ்சுபாசினி!

      Delete
  4. நானும் அம்மம்மா போலதான் என்பார்கள். உங்கள் உணர்வு புரிகிறது. கவிதை படிக்க என் கண்ணிலும் ஈரம்.

    அப்பாயி ஆன்ம இளைப்பாற்றிக்காக என் பிரார்த்தனைகளும் கிரேஸ்.

    ReplyDelete
    Replies
    1. உங்கள் கருத்திற்கும் பிரார்த்தனைக்கும் நன்றி இமா!

      Delete
  5. பேத்தியின் பாசமும் பாட்டியை இழந்த துயரமும் கவிதையில்! சிறப்பான படைப்பு! நன்றி!

    ReplyDelete
  6. //முதல் முறை சேலைக் கட்டியதிலிருந்து
    தெரிந்தோர் சொல்கிறார்கள்
    அப்பாயி மாதிரியாம் நான்
    எனக்கு மகிழ்ச்சியே
    ஆனால், பார்க்க நீயில்லையே!
    என் திருமணம் பார்த்துச் சென்றிருக்கலாமே
    என் பிள்ளைகளையும் பார்த்திருக்கலாமே
    பிற பாட்டிகள் பார்க்கும் பொழுது
    இப்படி தோன்றும் எனக்கு//

    வருந்த வைக்கும் அற்புதமான நினைவலைகள். எல்லோருக்கும் இந்தப்பிரப்தம் இருப்பது இல்லை. பகிர்வுக்கு நன்றிகள்.

    ReplyDelete
  7. பேத்தியின் கண்ணோட்டத்தில்
    பதிவு செய்த கவிதை மனம் கலக்கிப்பொனது
    மனம் தொட்டக் கவிதை
    பகிர்வுக்கு வாழ்த்துக்கள்

    ReplyDelete
  8. மனத்தை அழுத்தும் வேதனையை வெளிப்படுத்தும் வரிகள். அறியாமல் செய்யும் பிழைகளை ஆண்டவனும் பொறுத்துக்கொள்ளும்போது அறியா வயதில் நேர்ந்ததை அப்பாயி பொறுத்துக்கொள்ள மாட்டாரா? அவரது ஆசி என்றும் உங்களுக்குண்டு. மனம் தேற்றிக்கொள்ளுங்கள் கிரேஸ்.

    ReplyDelete
    Replies
    1. நன்றி கீதமஞ்சரி!

      Delete
  9. அருமை.. அழுத்தமான வரிகள்

    ReplyDelete

உங்கள் கருத்தை வரவேற்கிறேன்...

LinkWithin

Related Posts Plugin for WordPress, Blogger...