Monday, May 20, 2013

கண்ணயர்ந்தேன் மழை தாலாட்ட


மரங்கள் செழித்தக் காடு
வயலைச் சந்திக்கும் இடத்தில்
சிறிய செடிகளின் இலைகள் இடையே
வெட்டுக்கிளிகள் தாவிக் கொண்டிருக்க 
அறுவடைக்குப்பின் விடப்பட்ட அடித்தண்டுகள்
வயலில் ஆங்காங்கே பரவியிருக்க

நிலத்தின் சமன் ஆராய்ந்து
ஒரு இடம் தேர்ந்து
கிழக்கு மேற்கு எத்திசை
என்று  திசைகாட்டி காட்ட
சூரியன் மறைவதற்குள் துரிதமாக
கூடாரம் இட்டோம் வெற்றிகரமாக


காற்றுப் படுக்கையும் விரிப்புகளும்
மின்கல விளக்கும் தயாராய் வைத்தபின்
நெற்றியில் கட்டிய ஒளிவிளக்கோடு
நெருப்புக்கு விறகு சேர்த்தப் பின்னர்
வைக்கோலையும் விறகையும் எரித்து
குழுவுடன் நெருப்பைச் சுற்றியமர


சற்று நேரம் கழித்து வருமென்று
எதிர்பார்த்திருந்த மழை
சற்றும் தாமதிக்காமல் எங்கள் குழுவைக் காண
மேக ரதத்தில் இருந்து இறங்கி வர
துளிகளை முகத்திலும் கைகளிலும் ஏந்தி
வரவேற்ற பின் கூடாரம் சேர்ந்தோம்

மழையின் தாளமும் நடனமும்
விடிய விடியத் தொடர
கூடாரத்தின் மேல் மழைத் தாளமிட
களைத்தக் கண்கள் கண்ணயர
இலைகளால் வேய்ந்த கூடாரத்தில் இருந்த
பாசறை மன்னன் நினைவில் வந்தான்

புண்பட்ட புரவியும் யானையும் நினைத்தே
விழுப்புண் அடைந்த வீரரை நினைத்தே
மறுநாள் பெறப்போகிற வெற்றியை நினைத்தே
அவன் அயர்ந்திருக்க மாட்டான்
இவையெல்லாம் நினைத்தே
கண்ணயர்ந்தேன் மழைத் தாலாட்ட

16 comments:

  1. கவிதையின் வரிகள் என்னுள்
    அந்தக் காட்சியை ஓவியமாய்
    வரைந்து போனது
    நானும் கூடாரத்தில் இருப்பதைப்போலவும்
    மழையின் தாளத்தை கேட்பதுபோல் உணர்ந்தேன்
    மனம் தொட்ட பதிவு
    பகிர்வுக்கு வாழ்த்துக்கள்

    ReplyDelete
  2. மிகவும் நன்றி ரமணி ஐயா..கவிதையின் வரிகளை நீங்கள் அங்கு இருப்பதுபோல உணர்ந்தது மகிழ்ச்சி தருகிறது.

    ReplyDelete
  3. அருமையான வருணனை தோழி....மிகவும் இரசித்தேன்.மழையின் தாலாட்டு இன்னும் சிறிது காலம் ஒலித்தால் நலமாய் இருக்கும்.

    ReplyDelete
  4. எனக்கும் இதுபோல் ஆசை உண்டு

    ReplyDelete
  5. ரசனையை ரசித்தேன்...

    வாழ்த்துக்கள்...

    ReplyDelete
  6. @தமிழ்முகில் பிரகாசம்:நன்றி தோழி! ஆமாம் மழைதான் மிகவும் தேவையாக இருக்கிறது.

    ReplyDelete
  7. @கவியாழி கண்ணதாசன்: வருகைக்கு நன்றி கவியாழி கண்ணதாசன் அவர்களே. உங்கள் விருப்பம் நிறைவேற வாழ்த்துகள். என் பையன் சிறுவர் சாரணர் பிரிவில் இருப்பதால் எனக்கு இந்த வாய்ப்பு கிடைத்தது. 10 வயது வரை குடும்பம் உடன் செல்லலாம்.

    ReplyDelete
  8. @திண்டுக்கல் தனபாலன்: கருத்துரைக்கும் வாழ்த்துக்கும் நன்றி!

    ReplyDelete
  9. சூப்பர் கிரேஸ். தங்கள் பயணத்தை அருமையாக கவிதை வடிவில் விவரித்து இருக்கீங்க . நானும் கூடாரத்தில் இருந்தது போல ஒரு உணர்வு :)

    ReplyDelete
  10. அருமையான கவிதை கிரேஸ்..இனிய அனுபவமாக இருந்திருக்குமே..

    ReplyDelete
  11. @தியானா: நன்றி தியானா! ஆமாம் நன்றாக இருந்தது

    ReplyDelete
  12. good experience.
    Vetha.Elangathilakam

    ReplyDelete
  13. @கோவைக்கவி: ஆமாம், வருகைக்கு நன்றி!

    ReplyDelete
  14. இலைகளால் வேய்ந்த கூடாரத்தில் இருந்த
    பாசறை மன்னன் நினைவில் வந்தான்

    அருமையான மழைக்கால நினைவுகள்...

    ReplyDelete
  15. @இராஜராஜேஸ்வரி: வருகைக்கும் கருத்துரைக்கும் மிக்க நன்றி!

    ReplyDelete

உங்கள் கருத்தை வரவேற்கிறேன்...

LinkWithin

Related Posts Plugin for WordPress, Blogger...