Monday, March 11, 2013

கடற்கரை


நுரைக்கும் வெள்ளியைக்  கொலுசாய் அணிவிக்க
காலை வருடும் அலைகள்
அவற்றிடம் பொறாமை கொண்டு கால்களைப்
புதையச் செய்யும் மணல்

பனை விசிறிகள் விசிறுவது போல
இதமாய் குளிர்விக்கும் தென்றல்
நாங்களும் இருக்கிறோம் என்று சொல்ல
கானம் பாடும் கடற் காக்கைகள்

வானவில்லைப் பிரித்து கவிழ்த்ததுப் போன்ற
வண்ண வண்ணக் குடைகள்
பாரபட்சம் இல்லாமல் பலதரப்பினர்  கட்டிய
பலவித மணல் கோட்டைகள்

திருவிழாவில்  களிப்பூட்டும் கழைக்கூத்தாடியைப் போல
காற்றில் இடமும் வலமும்  ஆடும் வண்ணப் பட்டங்கள்
இந்தக் காட்சிகளை எல்லாம் வானோடு 
கைசேர்த்து ரசித்துப் பார்க்கும் கடல்!

14 comments:

  1. //அவற்றிடம் பொறாமை கொண்டு கால்களைப்
    புதையச் செய்யும் மணல்// - ஆஹா .. என்ன ஒரு கற்பனை... ரசித்தேன் :-)

    ReplyDelete
  2. அழகனா உவமைகளுடன்
    செவ்வனே தொடுக்கப்பட்ட
    இனிய கவிதை...
    அருமை...அருமை...

    ReplyDelete
    Replies
    1. வருகைக்கும் கருத்துரைக்கும்
      நன்றி திரு.மகேந்திரன்!

      Delete
  3. நாங்களும் இருக்கிறோம் என்று சொல்ல
    கானம் பாடும் கடற் காக்கைகள்//காக்கையும் காணமப் வைத்தமை அருமை

    ReplyDelete
    Replies
    1. நன்றி திரு.கவியாழி கண்ணதாசன்!

      Delete
  4. அலையில் நிற்கும் போது நீங்கள் சொல்லும் அனைத்தும் தோன்றும்...

    அருமை... வாழ்த்துக்கள்...

    ReplyDelete
    Replies
    1. ஆமாம், ரம்மியமான சூழல் அது!

      பாராட்டுக்கும் வாழ்த்துக்கும் மிக்க நன்றி திரு.திண்டுக்கல் தனபாலன்!

      Delete
  5. உங்களின் தளம் பற்றிய சிறு அறிமுகம்
    காண : http://blogintamil.blogspot.in/2013/03/blog-post_13.html

    ReplyDelete
    Replies
    1. என் தளத்திற்கு வருகை தந்து பதிவுகளைப் படித்து வலைச்சரத்தில் நல்லதொரு விமர்சனமும் கொடுத்திருக்கிறீர்கள். வலைச்சரத்தில் அறிமுகப்படுத்தியிருக்கிறீர்கள். மிக்க நன்றி திரு.அரசன் அவர்களே!
      மகிழ்ச்சி!

      Delete
  6. அன்பின் கிரேஸ் - அருமையான கவிதை - கடற்கரையில் நின்று கவனித்து இரசித்து கவிதை எழுதியமை நன்று - மிக மிக இரசித்தேன் - நல்வாழ்த்துகள் - நட்புடன் சீனா

    ReplyDelete
    Replies
    1. வருகைக்கும் கருத்துரைக்கும் மிக்க நன்றி சீனா அவர்களே!

      Delete
  7. அருமை கவிதை வாழ்த்துக்கள்

    ReplyDelete
    Replies
    1. வருகைக்கும் கருத்துரைக்கும் மிக்க நன்றி திரு.சரவணன்!

      Delete

உங்கள் கருத்தை வரவேற்கிறேன்...

LinkWithin

Related Posts Plugin for WordPress, Blogger...